Post

الزبون يساوي كام؟

الزبون يساوي كام؟

سوآء كان عندك مصنع بملايين أو بتطلع شغل قسط لزمايلك في الشغل، لازم تحسب القيمة العمرية للعميل بتاعك عشان تعرف تتطور شغلك.

المعادلة بتقول:
قيمة العميل = متوسط قيمة الفاتورة الواحدة * متوسط مرات شراء العميل سنويا * متوسط ربحك * معدل أحتفاظك بالعملاء

نتكلم بقا عن كل رقم لوحده:
١- متوسط قيمة الفاتورة:
يعني البيعة الواحدة في المتوسط بتكون قيمتها كام؟

٢- متوسط مرات شراء العميل سنويا:
يعني في المتوسط الزبون الواحد بيكرر الشراء منك كام مرة في السنة

٣- متوسط ربحك:
نسبة الربح اللي بتحطها في المتوسط علي كل الحاجات اللي بتبيعها، مثلا لو ٢٥٪ هتكتبها ٠٫٢٥

٤- معدل احتفاظك بالعميل:
ودي بتحسبها بعدد العملاء اللي هيستمروا في التعامل معاك بعد مرور سنة علي عدد العملاء اللي هيبطلوا يتعاملوا معاك بعد مرور سنة.
مثلا السنة اللي فاتت جالك ١٠٠ عميل، والسنة دي انت لسة بتتعامل مع ٦٠ منهم، يبقي
معدل احتفاظك بالعملاء = ٦٠ علي ٤٠ = ١،٥

هيفيدك في اية بقا انك تعرف قيمة العميل:
من خلال المعادلة هتعرف مكان الخلل عندك، اللي مانعك تستفيد اقصي استفادة من كل عميل عندك، بالاضافة ان المعادلة بتوضلحك تعمل اية لو عايز تكسب اكتر من كل زبون عندك، مثلا تبيعله اكتر في المرة الواحدة، او تخليه يشتري منك عدد مرات اكتر.

لما تختلف مع زبون، متبصش للقيمة اللي هتخسرها دلوقت، بص للقيمة اللي هتخسرها لو الزبون دة زعل وقرر ميتعاملش معاك تاني

لو عايز تعمل دعاية عشان تجيب زباين جداد لازم تعرف مكسبك الكلي من كل زبون جديد عشان تعرف انت ممكن تصرف كام عشان تكسب زبون جديد.

قولنا علي معدل احتفاظك بالعملاء وازاي ناوي تطوره؟